您现在的位置：主页 > R徽生活 >共用工作空间新体验！设计师分享不一样的工作环境 Miss

共用工作空间新体验！设计师分享不一样的工作环境 Miss

2020-06-18 人气：142

朋友圈中唔少人都做咗嘢一段时间，开始有创业嘅念头，但喺寸金尺土嘅香港，租金往往都係最大难关！今次我Miss Sunny就遇到设计师 Wing，唔单止分享咗佢如何租共用工作空间解决呢个问题之余，仲有好多其他得着！

(Presented by Mustard Seed)

共用工作空间解决地方问题安心尝试创业

同唔少年轻创业家一样，Wing 及拍档Polly因为预算问题，而放弃租工厂单位作办公室。因为一次展览会，佢哋认识咗Mustard Seed 呢个地方，亦因为「青年共享空间计划」嘅优惠价，令佢哋无作太多考虑就入纸申请同租用。对于以建筑设计为主要业务嘅佢哋，湾仔非常适合。因为唔少客户都喺同区工作，见客方面亦十分便利。

Wing 现时租用嘅办公位喺Mustard Seed 入面，亦係第一家首轮参与「青年共享空间计划」，并成功以优惠价向年轻创业家租出办公位。

Mustard Seed 会以不多于市值租金一半租办公位畀好似 Wing 呢类嘅创业家。对唔少人嚟讲都係好大嘅帮助。

轻鬆工作气氛专注力更集中

除咗租金补贴，工作环境对打工仔嚟讲当然重要。Wing 带我参观Mustard Seed 整个共用工作空间，令我Miss Sunny 相当惊喜嘅係，唔止有专业嘅工作设备，仲提供悠闲享乐设施。唔似一般办公室咁封闭，环境气氛就好似大学校园一样，又有日光，轻鬆但又令人更专注！难怪 Wing 都觉得租用呢个co-working space之后，比起在家工作有效率！

工作环境对打工仔嚟讲当然重要，因为忙起上嚟，分分钟留喺公司仲耐过屋企。Mustard Seed就提供到一个舒适嘅空间，面积超过5,000平方呎，开放式间隔令整个环境一目了然，完全无压迫感，可以用放鬆嘅心情工作。

起初以为共用工作空间会将所有位置用到尽，清一色係办公位，但Mustard Seed 唔止有13个私人办公室 (共75个位) 、固定办公桌（共32个位）、以及流动办公桌（共24个位），仲有会议室同悠闲享乐设施，超过5,000平方呎嘅空间，睇落好开扬，一啲都唔迫狭。

每间会议室都设有特大屏幕、 Wi-Fi无线投影器同电话，只要用Mustard Seed App book房就用得，随时要见客、开会或者con-call都好方便！

而家个个都讲求 work life balance。呢度有齐VR游戏、PlayStation、Switch、桌球、乒乓球，做到攰可以同同事或者其他人玩番场，放鬆之余，又可以促进大家感情！

自己生意特别投入，有时日做夜做，连饭都唔记得食，呢度有咖啡机同Snack Bar，畀大家随时医肚！

冲破艺术家框框结识不同专业人士

有人话创业嘅路係孤独嘅，但好多创业家结集埋就会有好唔同嘅效果！Mustard Seed现时结集咗一班从事影片媒体製作、金融、设计、娱乐事务等，唔同行业嘅专业人士。大家都可以从中认识同互相交流。对 Wing 呢类艺术工作者係一个较为罕有嘅经验，亦令佢多咗好多新构思。就好似佢最近构思一个 ”Trolley Lady Project”。希望为推车婆婆提供一个临时休憩地方，同时畀佢哋存放货物或车仔等。而Wing 就係当中认识到拍片嘅专业人士，提供更好嘅建议去解释佢嘅计划。